Քանակական հետազոտությունների հարցաթերթում ընդգրկված են հետազոտության շրջանակներում առանձնացված թեմաներին և խնդիրներին առնչվող հարցեր: Հարցազրույցի տևողությունը միջինում կազմում է 15-30 րոպե: «Այ Փի Էս Սի»-ն ունակ է և ունի անհրաժեշտ հնարավորություններ՝ 5-9 օրերի ընթացքում անցկացնելու 1200-4200 ընտրանքով համազգային հետազոտություն: Ընտրանքի հաշվարկումը հաշվի է առնում սոցիալ-տնտեսական, աշխարհաքաղաքական և քաղաքային տվյալները: Օգտագործվող մեթոդաբանությունը և ընտրանքի ռազմավարությունը թույլ են տալիս հաշվարկել տարբեր մակարդակների հետազոտությունների (հանրապետական, երևանյան, համայնքային) արդյունքները մինչև 97% ճշտությամբ, 3% սահմանային սխալով:    


Դաշտային աշխատողներ
«Այ Փի Էս Սի»-ն ունի մոտ 50 դաշտային աշխատող: Նրանք բոլորը տիրապետում են տարբեր սոցիոլոգիական մեթոդների և պարտադիր մասնակցում են «Այ Փի Էս Սի»-ի կողմից անցկացվող դասընթացներին/թրեյնինգներին: Բացի մասնագիտական տվյալներից, հաշվի է առնվում նաև սեռա-տարիքային համաչափությունը կազմակերպությունում: Հարցազրուցավարների տարիքը տատանվում է 20-ից մինչև 34 տարեկան: Յուրաքանչյուր հետազոտության մեջ հարցազրուցավարի ներգրավումը պայմանավորվում է հետազոտության թեմայով և հարցազրուցավարի չափանիշներով:


Տվյալների կոդավորում և մուտքագրում
Տվյալների կոդավորումը և մուտքագրումն իրականացվում է շարժանիվի սկզբունքով: Դաշտային աշխատանքներն ավարտելուց հետո 2-3 օրերի ընթացքում կազմակերպվում է տվյալների կոդավորումն ու մուտքագրումը: Այս ընթացակարգերում օգտագործվում են Excel, SPSS, Statistics համակարգչային ծրագրերը: Կազմակերպության համար մշակվում է հատուկ ծրագրային ապահովման փաթեթ, որը թույլ կտա վերահսկել մուտքագրման որակը, ինչպես նաև այս երկու գործընթացների միավորման հնարավորություն կստեղծի: Բացի դրանից, կազմակերպությունն ունի տվյալների մշակման և վերլուծության բավականին փորձ և հմտություններ: